ಮೆಜೆಸ್ಟಿಕ್ ರೈಲ್ವೆ ಠಾಣೆಯಲ್ಲಿ ಭೀಕರ ಕೃತ್ಯ: ಗರ್ಭಿಣಿ ಮಹಿಳಾ ಪೇದೆ ಮೇಲೆ ರಾಡ್ನಿಂದ ಮಾರಣಾಂತಿಕ ಹಲ್ಲೆ
ಬೆಂಗಳೂರು: ಮೆಜೆಸ್ಟಿಕ್ನ ರೈಲ್ವೆ ಪೊಲೀಸ್ ಠಾಣೆಯಲ್ಲೇ ಕರ್ತವ್ಯದಲ್ಲಿದ್ದ ಗರ್ಭಿಣಿ ಮಹಿಳಾ ಪೇದೆಯೊಬ್ಬರ ಮೇಲೆ ಅಪರಿಚಿತ ವ್ಯಕ್ತಿಯೊಬ್ಬ ರಾಡ್ನಿಂದ ಮಾರಣಾಂತಿಕ ಹಲ್ಲೆ ನಡೆಸಿದ ಭೀಕರ ಘಟನೆ ನಿನ್ನೆ ಬೆಳಗಿನ ಜಾವ ನಡೆದಿದೆ.
ಹಲ್ಲೆಗೊಳಗಾದ ಪೇದೆಯನ್ನು ಶಿಲ್ಪ ಎಂದು ಗುರುತಿಸಲಾಗಿದ್ದು, ಅವರನ್ನು ತಕ್ಷಣವೇ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಘಟನೆಯ ವಿವರ ಹಾಗೂ ಮುಖ್ಯಾಂಶಗಳು:
ದೂರು ನೀಡುವ ನೆಪದಲ್ಲಿ ಕೃತ್ಯ: ನಿನ್ನೆ ಬೆಳಗಿನ ಜಾವ ಸುಮಾರು 5 ಗಂಟೆಗೆ ಠಾಣೆಗೆ ಬಂದಿದ್ದ ಅಪರಿಚಿತ ವ್ಯಕ್ತಿಯೊಬ್ಬ ದೂರು ನೀಡಬೇಕೆಂದು ತಿಳಿಸಿದ್ದಾನೆ. ಈ ವೇಳೆ ಠಾಣೆಯಲ್ಲಿದ್ದ ಪೇದೆ ಶಿಲ್ಪ ಅವರು, “ಈಗ ಠಾಣೆಯಲ್ಲಿ ಯಾರೂ ಇಲ್ಲ, ಬೆಳಿಗ್ಗೆ ಬಂದು ದೂರು ನೀಡಿ” ಎಂದು ಹೇಳಿ ಕಳುಹಿಸಿದ್ದರು.
ಬೆಳಗಿನ ಜಾವ ಭೀಕರ ದಾಳಿ: ವಾಪಸ್ ತೆರಳಿದ್ದ ಆರೋಪಿ ಕೆಲ ಹೊತ್ತಿನ ಬಳಿಕ ಮತ್ತೆ ಠಾಣೆಗೆ ಬಂದಿದ್ದು, ಅಲ್ಲಿ ಮಲಗಿದ್ದ ಗರ್ಭಿಣಿ ಪೇದೆ ಶಿಲ್ಪ ಅವರ ತಲೆಗೆ ಕಬ್ಬಿಣದ ರಾಡ್ನಿಂದ ಏಳೆಂಟು ಬಾರಿ ಭೀಕರವಾಗಿ ಹಲ್ಲೆ ನಡೆಸಿದ್ದಾನೆ.
ಆರೋಪಿಯ ಬಂಧನ: ಘಟನೆ ನಡೆದ ತಕ್ಷಣವೇ ಎಚ್ಚೆತ್ತುಕೊಂಡ ರೈಲ್ವೆ ಪೊಲೀಸರು ಗಾಯಾಳು ಪೇದೆಯನ್ನು ಆಸ್ಪತ್ರೆಗೆ ರವಾನಿಸಿದ್ದು, ಹಲ್ಲೆ ನಡೆಸಿದ ಆರೋಪಿಯನ್ನು ವಶಕ್ಕೆ ಪಡೆದು ಬಂಧಿಸಿದ್ದಾರೆ.
ಪೋಲಿಸ್ ಠಾಣೆಯಲ್ಲೇ ಮಹಿಳಾ ಸಿಬ್ಬಂದಿ ಮೇಲೆ ಈ ರೀತಿ ಭೀಕರ ಹಲ್ಲೆ ನಡೆದಿರುವುದು ಸಾರ್ವಜನಿಕ ವಲಯದಲ್ಲಿ ತೀವ್ರ ಆತಂಕ ಹಾಗೂ ಆಕ್ರೋಶಕ್ಕೆ ಕಾರಣವಾಗಿದೆ.
