ಮಂಗಳೂರು, ಮಾರ್ಚ್ 25,2026: ಕರಾವಳಿಯ ಉದಯೋನ್ಮುಖ ಉದ್ಯಮಶೀಲತೆಗೆ ವೇದಿಕೆ ಕಲ್ಪಿಸುವ ನಿಟ್ಟಿನಲ್ಲಿ, ನಗರದ ಫಿಜಾ ಬೈ ನೆಕ್ಸಸ್ ಮಾಲ್ ಇದೇ ಮಾರ್ಚ್ 28 ಮತ್ತು 29 ರಂದು ಎರಡು ದಿನಗಳ ಬೃಹತ್ ‘ಕೋಸ್ಟಲ್ ಸ್ಟಾರ್ಟ್ಅಪ್ ಫೆಸ್ಟ್ 2026’ ಅನ್ನು ಆಯೋಜಿಸಿದೆ.
ತುಳುನಾಡಿನ ಸಮೃದ್ಧ ಸ್ಟಾರ್ಟ್ಅಪ್ ಪರಿಸರ ವ್ಯವಸ್ಥೆಯನ್ನು ಉತ್ತೇಜಿಸುವ ಉದ್ದೇಶದ ಈ ಮೇಳದಲ್ಲಿ, ಆಯ್ದ 25-30 ಸ್ಟಾರ್ಟ್ಅಪ್ಗಳು ತಮ್ಮ ನವೀನ ಉತ್ಪನ್ನಗಳನ್ನು ಪ್ರದರ್ಶಿಸಲಿವೆ.
ಕಾರ್ಯಕ್ರಮದಲ್ಲಿ 10-12 ಪ್ರಮುಖ ಹೂಡಿಕೆದಾರರು ಹಾಗೂ ಉದ್ಯಮ ತಜ್ಞರು ಭಾಗವಹಿಸಲಿದ್ದು, ಹೊಸ ಆಲೋಚನೆಗಳಿಗೆ ಬಂಡವಾಳ ಹೂಡಿಕೆಯ ಅವಕಾಶಗಳು ಲಭ್ಯವಾಗಲಿವೆ.
ಮಾಲ್ನ ಏಟ್ರಿಯಂ ಮತ್ತು ಮೂರನೇ ಮಹಡಿಯಲ್ಲಿ ಒಟ್ಟು 30 ಮಳಿಗೆಗಳನ್ನು ಸ್ಥಾಪಿಸಲಾಗಿದ್ದು, ಸಾರ್ವಜನಿಕರಿಗೆ ಅತ್ಯಾಧುನಿಕ ಉದ್ಯಮ ಮಾದರಿಗಳನ್ನು ವೀಕ್ಷಿಸುವ ಅವಕಾಶವಿದೆ. ಎರಡು ದಿನಗಳಲ್ಲಿ ಸುಮಾರು 60,000ಕ್ಕೂ ಹೆಚ್ಚು ಸಂದರ್ಶಕರು ಭೇಟಿ ನೀಡುವ ನಿರೀಕ್ಷೆಯಿದೆ.
ಉದ್ಯಮಿಗಳು ಹೂಡಿಕೆದಾರರೊಂದಿಗೆ ನೇರ ಸಂವಹನ ನಡೆಸಿ, ತಮ್ಮ ಕನಸಿನ ಯೋಜನೆಗಳನ್ನು ಯಶಸ್ವಿ ಉದ್ಯಮಗಳನ್ನಾಗಿ ಪರಿವರ್ತಿಸಲು ಇದು ಉತ್ತಮ ವೇದಿಕೆಯಾಗಲಿದೆ.
